أغنية الليمونة والبرتقالة لأطفال "بكرا"

برتقالة وليمونة لساتهم صغار
عم يتحاكوا يا عيوني شوفي شو الي صار
الليمونة عم بتقول لوني أحلى من لونك
شكلي أحلى خفة وطول تعي شوفيني بعيونك
قالت البرتقالة انتي شو طعمك حامض
طعمي أحلى نيالي مين الي طعمي رافض
سمعوهم حبات كبار من برتقال وليمون
قالولهم عيب الي صار ما بنتزاعل لو شو ما صار
الليمونة للأكلات هالعالم بحبوها
بتوازن فيها الأكلات وفي المرض بيشربوها
والبرتقالة يحلّو فيها و بيستفيدوا
بالعصير بيتسلوا والفيتامين يزيدوا
كل واحد فينا عنده اشياء مفيدة و حلوة
بتميز هوّ فيها لكن مو يعني إنه
عن غيره استغنى هوّه التنوّع بيحلّيها

تحاول قناة بيبي من خلال أناشيد الفواكة لتشجيع الأطفال لأكل الخضراوات والفواكة المفيدة خاصةً أنّ العديد من الأطفال يرفضون تناول الخضراوات والفواكة ويتوجهون للأكل الغير صحي الضّار بهم ، لذلك تعمل على بث أناشيد تشجع الأطفال وتحثهم على تناول الفواكة وتبيّن لهم أهميتها الغذائية والفيتامينات والمعادن التي تحتوي عليها.