ردّت الفنانة المصرية القديرة يسرا على انتقادات طاولتها، عقب استخدامها كلمة "أحداث" في توصيف الحرب على لبنان، في تصريحاتها الخاصة بانطلاق "مهرجان الجونة السينمائي الدولي".
وكتبت يسرا في منشور عبر حساباتها في شبكات التواصل الاجتماعي: "لبنان هي بلدي الثاني وقلبي يعتصر حزناً على كل شبر فيها... في ظروف زي دي دايماً بيكون في ناس كل غرضها تحوير مضمون الكلام للإيقاع بنا".
وأضافت: "أنا هنا بأكد إن مضمون حديثي هو أن شعب مصر قلباً وقالباً مع كل الدول العربية اللي بتمر بظروف عصيبة وإنه إقامة أي مهرجان في المقام الأول هو دعم القضايا من خلال الفن والسينما ولا نقلّل من شأن مما يجري من أحداث إنه عنصر المفاجأة مش بيكون خادمنا في إننا نسلّط الضوء على دولة بالأخص".
واختتمت يسرا منشورها بالقول: "أوضحت حزني الشديد على كل ما يحدث في بلادنا ووطننا العربي من هجمات العدو... حفظ الله بلادنا وأسقط أعداءنا".
وكانت يسرا قد أجابت على سؤال حول امكانية تأجيل المهرجان بالقول: "هو الأحداث بتحصل فجأة وإنت مش عارف هيحصل إيه، يعني أحداث لبنان اللي حصلت من كام يوم متقدرش تتوقع إن ده هيحصل فتلغي مهرجان أو تحط حاجة للحدث نفسه، لكن قد ما قدرنا السنة اللي فاتت إن إحنا نعبر عن الحزن بتاعنا ونعبر عن موقفنا تجاه فلسطين إحنا أجلنا كذا مرة وعملنا ده ومنقدرش نعمل ده في كل الظروف يعني ممكن وانت بتعرض يحصل ظرف تالت متعرفش إيه هو هتعمل ايه ساعتها على حسب الموقف فالحاجة الوحيدة اللي بقول أهمية الفن فيها إن الفن بيوصل وجعك للآخر وبيوصل رسالتك للآخر، بيوصل رسالتك للعالم فممكن تغير الرأي العام كله، من خلال حدث معين أو فيلم معين أو تجربة معينة".
[email protected]
أضف تعليق