هاجم الفنان المصري تامر عاشور الملحن عمرو مصطفى بعد تصريحاته الأخيرة التي اتهمه خلالها بسرقة إحدى ألحانه مؤكداً على عدم معرفته الملحن الأصلى لأغنية (الرك على النية) .
وكتب تامر عاشور عبر حسابه على موقع التواصل الاجتماعي (فيس بوك) "أغنية الرك على النية ألحان عمرو مصطفى وفي أي حفله ومكان بقول كده والملحن اللي باعها لي المُقتَبِس الحقيقي، عمرو مصطفى مجبش سيرته نهائي مش عارف إزاي مع إنه عارفه من 8 سنين لما قفلنا الموضوع ده أنا وهو في مكالمتنا مباشرة."
وتابع تامر عاشور: "وبعدين أنا مالي ده صِراع مُبدعين ويقدر يأخد حقه قانوني ويوقفها محدش منعه أنا أداه على كلامه ده غير إن الاستعانة بعمرو مش صعبة واشتغلنا مع بعض اغنيه (انطق) كل الحكاية إنه معرفش يجاوب على سؤال الصناعة انهارت إزاي وأنت عمود من عمدان الصناعة؟ السؤال اللي مش هتلاقي له إجابة مهما توّهت الناس اللي كلهم قالولك أنك مجاوبتش بمنتهى الوعي." وفق(في الفن).
وأضاف تامر عاشور: "أنا الحقيقه كنت مُنتظر إجابتك علشان اقولك الصناعة فيها كام عمود غيرك وكام مُطرب عمل تاريخ وعلامات من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجة حصلت عادي بدونك، أني احترمتك أو على حد قولك إن تامر وهو بيكلمني “كان واقف كدا طبعا احترمك واقدّرك أنت أستاذ كبير بس قلّيت في نَظر تلميذك لما اتكلمت في التلفزيون عن إن فيه حد عموما احترمك وكأنه حدث جلل لأستاذ كبير زيك."
واختتم تامر عاشور: "في النهاية إنت مُلحن كبير مقاما وفنّا وإضافة لأي مُطرب غيري -هي الظروف حكمت كده ولا تاريخي فيه عمرو والعكس صحيح - ومش هفوت الفُرصة دي إلا وأشكر كل الفنانين الكِبار المصريين المبدعين شعراء ملحنين موزعين اللي اتشرفت بالعمل معاهم على مدار 20 سنة وحطوني في مكانة أنا مكنتش أحلم بيها وسط الجمهور العربي كله اللي بنحاول نقدمه إبداع حقيقي مهما زادت بنّا المناوشات الواردة التي لا تتخطى حاجز الأدب والصداقة والمحبة والود ولمصلحة نجاحنا واستمراريته بفضل الله ثُم فضلكم أشكر اعظم فرقة موسيقية بشتغل معاها جوه وبره مصر اللي بيخلوني قادر على التصدير الدائم والمختلف للفن المصري الرائع بحضوري كفرد من تلاميذ لأساتذة كبار حقيقيين."
[email protected]
أضف تعليق