رامي صبري يرد على تصريحات عمرو مصطفى الأخيرة

خرج الفنان المصري رامي صبري عن صمته ليرد على التصريح الأخير للملحن المصري عمرو مصطفى الذي اتهمه فيه بسرقة مدخل لحن أغنيته (رقصة).

وقال رامي صبري "في فرق بين السرقة وتوارد الخواطر، والكلام اللي عمرو مصطفى قاله يدينه، وعيب ملحن كبير ومحترم زيه يطلع يقول على فنان المفروض إنه ملحن ومطرب له مكانته سرق".

وتابع: "مشكلة عمرو مصطفى مش أغاني، لأن لو حد فينا سرق حاجة منه هيقاضيه وهيعمل كل حاجة بالقانون لأنه خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يبقى لازم تعرف أنت بتتكلم عن مين." وفق(في الفن).

واختتم رامي صبري حديثه قائلا: "ربنا يهديك، اشتغل أكثر وأعمل لنا حاجات جديدة زي الملحنين زمايلك، وركز في شغلك وأنا شخصيا لو عملت عشاني أغنية حلوة هغنيها".