قرر الفنان المصري أحمد العوضي الرد على الانتقادات التي واجهها في الساعات الأخيرة الماضية، وذلك بسبب مساندته ومساعدته لأحد عمال النظافة الذي تم طرده من أحد المطاعم بسبب ملابسه ووظيفته برغم أنه كان يرغب في الحصول على الطعام بمقابل مادي.
و قام أحمد العوضي باستضافة عامل النظافة في أحد مطاعم السمك الشهيرة، وشارك صورة تجمعهما عبر حساباته الشخصية على موقع التواصل الاجتماعي (فيس بوك)، وعلق عليها قائلًا: "أخويا الجدع محمد".
و نشر العوضي مقطع فيديو حيث قال: "لو أنت أخوك عنده مشكلة في الشارع وأنت هتجيب له حقه بالشارع قدام الناس هتنزل تجيبهوله قدام الناس اللي اتعمل نمرة عليه نمرة قدامهم، ولو قولتلي دي مش خناقة أو شارع ودا حاجة بينك وبين ربنا، هقولك الصدقة هي اللي بيني وبين ربنا".
و أضاف العوضي" أنا مبينتش لحد أديته فلوس أو لا، أنا جبرت بخاطره، من سار بين الناس جابر للخواطر أدركه الله في جوف المخاطر، وربنا مديني شهرة عشان استخدمها في اللي يرضيه، أوعى تفتش في النوايا، أنت مش قاضي في الأرض، وسوء الظن بيقضي على روابط الألفة".
و تابع" أنا قاعد في الشارع طول عمري، كلها واحد ولاد تسعة، أنا مش مفخمها ولا مخاطرها، أنا مبسطها وميسرها، وأنا حبيت أكل معاه في طبق واحد لأنه أخويا ابن آدم، الموضوع مش مقصود بيه شو، الراجل شعر أنه منصور وربنا فتحله مصدر رزق، ربنا جعلني سبب، ويمكن الموقف دا رجعه لمهنته الأساسية، لو في حاجة ممكن تقلدني فيها تكون هي دي، ربنا يقدرنا على فعل الخير".
[email protected]
أضف تعليق