قررت الإعلامية المصرية ياسمين عز والتي تقدم برنامج "كلام الناس" الخروج عن صمتها والتبرير عما قالته في الآونة الأخيرة حول دفاعها المستمر عن الرجال، وقدمت نصائح غريبة للسيدات في كيفية تعاملها مع زوجها، ما عرضها لهجوم كبير.
و أكدت ياسمين على أن نيتها من حديثها هو أن تعيش المرأة حياتها كأنثى رقيقة وتترك الرجل يمارس مهامه في البيت على راحته.
وقالت ياسمين في برنامجها: "البعض ساب جوهر الموضوع والكلام الكبير اللي قولناه مع الضيوف ومسكوا في كلامي عن الفرخة والسجادة وفين أيام ما كنت الست بتدي جوزها الحتة الكبيرة من الفرخة".
و أضافت" بما إنكم فتحتوا الموضوع فأنا قريت حكمة صينية عجبتني بتقول البيت الذي تمارس فيه الدجاجة عمل الديك مصيره الخراب.. يبقى تسيبي الديك في البيت يقوم بشغله واكتفي بكونك أنثى رقيقة".
و تابعت" والله لو كلفتوا نفسكو وشوفتوا الحلقة كاملة فكلامي موجه للستات القادرة المفترية مش لكل الستات مقصدش الست الشقيانة على بيتها وعيالها دول كتر خيرهم، لكن كلامي موجه لفئة قلة".
واستكملت: "سبتوا كل كلامي ومسكتوا في الفرخة والسجادة؟ أومال لو قولتلك إوعي تقولي لجوزك خد كيس الزبالة معاك وأنت نازل هتعملوا إيه؟" .
و يشار إلى أن ياسمين عز تحدثت في برنامجها الأسبوع الماضي عن أهم النصائح للزوجات قائلة: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.. بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه!!".
[email protected]
أضف تعليق