إلهام شاهين تكشف عن قرارها الأخير بالتبرع بأعضائها بعد وفاتها

أعلنت الفنانة المصرية إلهام شاهين أنها ستتبرع بأعضائها بعد وفاتها، مؤكدة على أنها وثقت تبرعها في الشهر العقاري، وبلغت كل أقاربها وإخوتها بذلك.

وقالت شاهين خلال مداخلة هاتفية لها ببرنامج "كلام مهم": "أنا وثقت في الشهر العقاري أني متبرعة بأعضائي، وقلت لإخواتي، وأنا أول واحدة ناديت بيه وقبلي نادى بهذا الموضوع دكتور خالد منتصر وأنا كنت مؤيداه كتير، والأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم".

وأضافت" ولا شيخ حرم الأمر دا، لأني سمعت أراء كتير من الشيوخ ولا حد فيهم رفض الموضوع دا، والأكيد إنه ربنا مش هيحرم شيئ إنساني يرحم الأشخاص من الألم، إيه اللي هيضر الإنسان بعد ما يموت إن تتاخد الأعضاء دي، أنا خلاص مت هعمل بيهم إيه؟ بالعقل والمنطق أي شيء إنساني يساعد الآخرين لازم يكون حلال".