بعد قضية "عريس الإسماعيلية" الإعلامية ياسمين عز تبرر ضرب النساء

ضجت مواقع التواصل الاجتماعي استنكاراً لموقف الإعلامية المصرية ياسمين عز، الجدل بعدما دافعت عن عروس الإسماعيلية التي سامحت زوجها رغم ضربه لها وسحلها في الشارع يوم زفافهما.

وقالت عز: "الرجل بطبعه حامي وحمش، وعلى المرأة أن تحتوي رجلها، فهو هدية ربنا لكِ على الأرض، ونعمة من ربنا عليكِ، حبيه وحافظي عليه، فهذه العروسة بنت ناس وأصيلة ولمت دنيتها، ودارت على شمعتها واحتوت الموقف وجوزها ورجلها، ومش معقول هتبوظ ليلتها وفرحها وحب 13 سنة عشان موقف احنا مش عارفين تفاصيله، مش كل اللي تشوفه أو تسمعه في كاميرا فيديو اتصور في شارع أو في بيت تصدقه".

وأضافت الإعلامية التي تعمل في قناة (MBC مصر): "احنا لينا بالنهاية، وهما سمن على عسل، أكيد العريس عنده رصيد كبير عند عروسته، والمسامح كريم، سعادة المرأة في وجود الرجل في حياتها، ومن تقول من أول ضربة أو لمسة أو تكة طلقيه دي مش بتحبك، واللي بتقول لك كدة مش هتجيب لك عريس، فمش كل حاجة تحصل من الرجل نقول يلا طلقني".

وتابعت في مقطع فيديو متداول على مواقع التواصل الاجتماعي: "عارفين زمان الستات الطيبين كانوا بيقولوا، يا سي محمد يا سي عمر، وهي مأخوذة من (سيدي وتاج رأسي)، سيقولون نرجع لعصر الجواري لأ، من ترتدي التاج هي الملكة، فأنتِ ملكته، جربي قولي له (عايز إيه يا سيدي وتاج راسي) وشوفي هيعملك إيه، والله ما هيزعلك، دي روشته كدة ونصيحة، اسمعي اللي بيقول لك حافظي على بيتك، مش روحي اتطلقي".

واستطردت عز: "مين في مصر عمل الفرح ومكنش في خناقة الفرح بلا استثناء، جارتك وقريبتك وكلنا، فهي عين حسد، لازم يوم الفرح تحصل الخناقة".

واستدركت قولها بأنها دائما مناهضة للعنف ضد المرأة وأنها ضد العنف الأسري بشكلٍ عام، ولكنها عبرت قائلة"وضرب الحبيب زي أكل الزبيب، مش أي ضرب ولكن مش من أول تكة أمحي له تاريخه ممكن تكون غلطة، ألم الدنيا وأقفل على بيتي" ، وـشارت على حنكة العروس التي قررت أن "تلم الدنيا وهي بنت أصول".