الشريط الأخباري

نجوى كرم تنشر تسجيلا بعد انفجار المرفأ: دبحتونا!

موقع بكرا
نشر بـ 07/08/2020 07:00 , التعديل الأخير 07/08/2020 07:00
نجوى كرم تنشر تسجيلا بعد انفجار المرفأ: دبحتونا!
مواقع التواصل الاجتماعي

نشرت الفنانة اللبنانية نجوى كرم عبرحسابها الخاص على منصة التواصل الاجتماعي "تويتر" تسجيلًا صوتيًّا علقت من خلاله على كارثة الانفجار في مرفأ بيروت.

وقالت موجّهة كلامها إلى الزعماء: " كأنه ما صار شي ومبلا صار وكتّر. دبحتونا ودبحتو البلد متل كأنه ما صار شي. طفيتوا أهدافنا وأحلامنا والبكرة تبعنا ومتل كأنه ما صار شي. هجرتوا ولادنا وأدمغتنا ومتل كأنه ما صار شي نهبتونا وسرقتونا وفلستونا متل كأنه ما صار شي".

وأكملت قائلة: "وقال شو وبكل وقاحة قالولنا بكرة بيتعودوا يعودكن العمى أقل شي. مش ملككن نحنا ولا محط تجاربكن وحقل لتحقيق أمنياتكن. ولك لازم ثورة تفوت عبيوتكن تتحسسكن بياللي عم نحسه هيدا إذا كان عندكن أساساً فيه إحساس يا أولاد الأفاعي".

وتابعت:" شغلتوا فينا المستشفيات والأطبا النفس. خليتونا ميتين ونحنا أحياء يا بلا وجدان. ولك وين ريحة الطيون والزعتر ياللي بدلتوها بريحة جتت ولادنا واهالينا؟ وبعدكن عم تتقاتلوا عالسلطة ولك روحو انقبرو فلّو. صاير ومكتّر صاير ومكتّر بس إنه كإنه الدني عم تشتي ".

واختمت تسجيلها: "كيف قادرين تستخفو فينا؟ كيف قادرين تستخفو بعقولنا وأرواحنا؟ مش عم نفهم كيف. إذا انتو مش فاهمين مصيبة وإذا فاهمين مصيبة أكتر" .

من قلبي بعزّي أهالي الشهداء اللي ماتوا وبتمنّى الشفاء العاجل لكلّ المصابين بهالإنفجار. نجوى كرم.

أضف تعليق

التعليقات