بعدما شككت الشيماء محمد مرسى، نجلة الرئيس السابق محمد مرسى، فى أن الشخص الذى يوجد فى قفص الاتهام أثناء المحاكمة، ليس والدها، وإنما هو شخص آخر شبيه للدكتور مرسى، على حد زعمها، حاول نشطاء محسوبون على جماعة الإخوان المسلمين، الترويج لما قالته نجلة مرسى، مستشهدين بالصورة التى نشرتها نجلة مرسى له من داخل المحاكمة، والتى يظهر فيها اختلاف فى شكل مرسى داخل المحاكمة، عن صورته أثناء وجوده كرئيس للجمهورية.
وتناول نشطاء مواقع التواصل الاجتماعى الصورة بسخرية شديدة جداً، حيث اعتبروا أن الصورة هى بالفعل صورة الرئيس السابق محمد مرسى، ولكن عوامل السجن هى ما أدت إلى ظهوره بهذا المنظر، حيث قل وزنه، ويظهر "منكوش" الشعر.
وكتب أحمد نصير، " هههههههههه ده أبوكى من غير البط والمحشى يا إخوانية"، وأضاف محمد أسامة، " لا هو مش هنستعبط إحنا واخدينه كده هو اه نضف شويه فى القصر بس كان... وبقى.... مفيش تغير".
وعلق محمد جمال قائلاً: "هو بس تخن شويه من كتر أكل البط بالفريك ولكن احنا مستلمينه كده"، وقال كريم فراج " هو هو بـ..... بس الصورة اللى ع اليمين. مستحمى. وصابغ. وواكل بط. ومحلى بالبلد كلها. والتانية مسجون".
وتابع إيهاب شمس، " هو طبعا مش الرئيس هو المذنب"، وكتب أحمد مهران، " معاكى حق اللى فى القفص قرد والتانى قرداتي"، أما أحمد على فعلق قائلاً: "ع رأى الشاويش عطيه.الخلقه العكره دى استحاله يكون منها اتنين أبدا".
وكانت "شيماء" ابنة الرئيس المعزول محمد مرسى، قد شككت فى وجود أبيها داخل قفص الاتهام، لافتة أنه شخص شبيه لوالدها.وأضافت عبر صفحتها على موقع التواصل الاجتماعى "فيسبوك" بعد نشرها صورتين مختلفين إحداهما من داخل القفص والأخرى قديمة، قائلة: "اللى فى الصورة اللى على اليمين أبى.. الشمال مش هو أنا متأكدة، دققوا جيداً مش هو أنا اخترت صورة فيها نفس التعبير تقريبًا علشان تقدروا تقارنوها، أقوياء الملاحظة هيقدروا يميزوه، اللى فى القفص مش الرئيس.. أين الرئيس؟".
ودشن أنصار الإخوان هاشتاج حمل عنوان "أين الرئيس؟" طالبوا فيه بظهور مرسى، وحاولوا الترويج لأنه مختطف من قبل النظام الحالى، على حد وصفهم، وقالت نورهان محمد، " أيوه فعلا الصورة دى لما شوفتها أدركت تماما إن ده مش سيادة الرئيس والملامح مختلفة تمامًا".
وكتبت يمنى أحمد معلقة على الصورة، "يكونوش استعانوا بشبيه دكتور مرسى، ربنا يدوخهم وينتقم منهم، ويلفوا كدة حوالين نفسهم زى ما هم مدوخين الناس"، فيما علقت دينا سامح، على الصورة التى نشرتها نجلة مرسى، قائلة، " أنا يا شيماء حاسة إنه هوا الدكتور مرسى بس خاسس موت ومحلقش شعره بقاله فتره.. ربنا ينتقم منهم.. بس أنت أدرى الناس بيه... واللى تعرف أكتر وأكتر خالتو نجلاء وريه لها وشوفى كذا صوره او فيديو لنفس المحاكمة.. ولو مش هوا الريس ييقى لازم موقف قوى.. ربنا يطمنكوا ويطمنا عليه ويفك أسره ويرده لينا سالم منتصر إن شاء الله".
[email protected]
أضف تعليق