اريد ان اصارح شاب اعجبني باني اريده زوجا لابنتي .. لكني مترددة؟

يا حبيبي شو بدك تقوليلو اجوز بنتي ويا يعيني لو حكالك بحياتي بنت او مابدي شو موقفك انتي وبنتك حتى ل كان كويس طول عمرو الشب بروح يطلب البنت بس يظهر انو لما كنا زمان انكت عن انو هاد الاشي يمكن يصير جد بلش يصير حقيقه

خلي بنتك تتقرب منو وتحاول يخلي يحبها

هذا الامر هو قدوة من رسول الله صلى الله عليه وسلم . اطلبيه لابنتك وتوكلي على الله وبارك الله لهما وبارك عليهما .

من الطبيعة اليوم ومن زمان انو الشب الي يخطب البنت صح بس افترضي زي ما ئال تعليق رئم واحد انو ئالك الشب انا بحب وحدي وبدي اخطبها واسمحيلي ما بئبل او ئولك برضوا حتى لو وافئ على انو يخطب بنتك او يجوزها بكرا لما بدهم بتئاتلوا يتندم ليش اخذها ويئولها انو امك خطبتني اياكي بلقوة لانك انتي ما في حدا يبحبك او بتئدملك وبعدين عدا عن هادا الحكي كلام الناس لا بيئدم ولا بيئخر صح فأنا بنصحك انو لا ما اتئوليلوا شي لانو المعايرة بين الجوز والامراءة اكتيرة وان شاء الله تقبلي نصيحتي والي في النصيب بصير بلكن يوم من الايام انو يحب بنتك

بإمكانك التلميح له بذلك ، أو بسؤاله عن طريق شخص آخر غيرك ، مثلاً صديقتك تقوم بسؤاله سؤال مباشر ، أو تقوم بسؤاله أثناء حديث عام ، ما في عيب في هذه الأمور لكن أهم شيء يكون الإنسان خلوق وبس ، أما إذا كانت لديك القوة لسؤاله بشكل مباشر فلا تخافي و اسأليه

ولله كل لاحترام الك المثل بحكي دور لبنتك قبل مادور لابنك

هههههههه هوا حنا وين عايشين الزلمي الي بقول اذا بدو بطلب اذا ما بدو لليش ترمو حالكم عليه

طيب انا ما بينفع شغيل وعزابي

ليكي انت ابل ما تحكيلو لازم تفكري بنتجتين يا اما بوافق ع كلامك وبصير نصيب وبمشي كل شي تمام يا اما برفض وبحس انه كلامك بخجل وتئيل وساعيتها رح تحطي حالك وتحطي بنتك وتحطي هو بموقف كتير محرج وهاد عدا الحساسيه الي رح تصير بيناتكم وانا بظن انه شاف بنوتك يعني لو حس اتجاها شي كان هو قالك وليكي انت بتضمني في المستقبل ازا صار نصيب ما يزكرها مين طلب التاني انا متاكده انه رح يزكرها ويعيرها كمانه ع هاد الشي حتى لو كان فهمان ومتعلم بس بضل بني ادم منو معصوب عن الغلط وليكي بجوز الله يبعتلها الي احسن منو ما بتعرفي

توكلي ع الله والله يقدم فيه الخير

[email protected]

انا برايي مش انت الي تقليلوا ابعتي وحده من صاحباتك تسالوا اول شي ازا هو معني بالزواج وازا في بحياتوا حدا ازا في تسكر الموضوع دغري اما ازا لا تقلوا انا بقترحلك عروس ازا ابدا موافقه اوليه تقولوا عن بنتك وتمدح بيها قداموا وانشالله يصير نصيب موفقه

7SB RAE LA2 L2NO MOMKN EKON FE 7DA B7EATO B3DEN AZA 2OLTELO WWAFA2 WTGOZXO MOMKN LMA ET2ATLO ESER E3ERHA WE2OLH ANTE ALE KONTE TORKDE WRAE WE7KE 3NK 3SHAN HEK 5LE BNTK TT2RB MNO BS BL32L 3SHAN MA TNSDM OK WMA T3LYTE WTTHORE OK

انا مستغربة من حاجتك للمساعة في التفكير؟ مدرسة جامعية ومحتاجة اشخاص بعمر اولادك يفكروا معك.؟ بكل الاحوال انا برايي ما تنقصي لا بحالك ولا ببنتك! هدا اسمو حكي فاضية وانفعالي كثير

فكرتك مش غلط انك بدك شاب منيح مع اخلاق حتا تجوزيه بنتك بس العادات والتقاليد انو هو لازم يتقدملها (الي بدلل على بضاعتو بترخس ) وانتي اكيد مرا عاقله وبتفهم حاولي اول عرفيهن على بعض بلكي في حدا بحياتو لشب هاد موضوع مش سهل فكري منيح

سلامي لكم مايئ با الورد . بصراحا اراء الناس الي بتسئليهم كل واحد رئيو شكل بس يفضل خلي بنتكي صاحب الموضوع الاول والاخير بجدارتها تحاول الاقتراب او جلب انتباهه با انوثتها وجمالها وجهت نضري كشب كلشي قسمه ونصيب والله كريم سامر وردا

لا تجعل مشاعرك ارضا يداس عليها واجعلها سماءا يتمنى الوصول اليها...............

على فكره الي بدل على بضاعته بترخص وانا شخصياً لو امي عاملتها معي رح ازعل كتير واتضايق مع الاحترام الك انت مش زغيري فكري قبل ما تجني على بنتك

اتمنى ألا تترددي في مصارحته برأيك ولكن أرجو منك ألا تتأملي كثيراً ولا تحاولي أن تقولي لابنتك برأيك أو عما تريدين فعله لأنه قد يرفض أو أهله يرفضون فقد حصل معي نفس الشيء ولكن لم يحصل نصيب والخطأ الذي فعلته أم البنت هي أنها اخبرتها بما ستفعله وفعلته فحين تلقت الرفض من الشاب انهارت الفتاة ودخلت المشفى في حالة انهيار عصبي شديد ولا يوجد ما يغير رأي الشاب أو اهله .

بلكي بنتك متحبش الفكرة هيك بتقللي من قيمتها ويمكن اذا عرفت هيي ترفضو لانو مااجاش من حالو.. وبلكي بعدين لما يتجوزوا يصير يقلها انا تجوزتك بسبب امك

السلام عليكم سيدتى يقولون =من ترو خلقه و دينه فزوجوه

نعم اختى الفاضلة, هذا خير ما تفعليه و لكن المؤمن كيَس فطن. فلتنظرى من الشباب من يحفظ سرك فليتقرب منه و يحادثه عن ابنتك و يسأله عن رأيه فيها و إن قبل فليشور عليه ان بيقدم لخطبنها. هذا افضل من ان تقبل هى بها و هو لا يقبل فيصيب ابنتك بشئ فى نفسها. و الله يهدى الى الأقوم و الأصلح. جعل حبك لابنتك و رعايتك لهل زخرا لكى فى الدنيا و الأخرة.