مش راح اقدر اوصفلكم شعوري بس بترجى انه رسالتي تفهمومها وتوخدوها بجدية، انا معلمة عمري 36 سنة، حياتي كانت حلوة كتير لحد قبل سنة ونصف بعد ما توفى جوزي بحادث سيارة، وانقلبت حياتي 360 درجة.

بعدني عايشة على ذكراه ومع اني بحاول اختلط بالعالم واروح على شغلي واضحك بوجوه الناس بس ما بقدر انساه وانا لحالي بس ارجع على البيت، بس عندي مشكلة كبيرة عم بترافقني، ابن اخت جوزي عمره 20 سنة بس هو بيشبه جوزي المرحوم كتير يعني ما بيتفرقوا عن بعض، حتى هذا الموضوع الكل بيعترف فيه، وانا بديت احب اتقربلي وبحاول اكون قريبة منه لانه بيزكرني فيه، بس لما بعانقه بحس بشعور غريب، بتخيل انه زوجي هو اللي معانقني مش واحد تاني.

حاولت ما اروح عندهن كتير وما اشوفوا كتير، بس ما قدرت وهو بريء كتير ومش فاهم اشي من شعوري ناحيته، بس انا خايفة من انه هاي العلاقة تتطور لاشي غلط، ساعدوني كيف ممكن اوقف المشكلة قبل ما تكبر وتصير صعب انه اخلص منها.

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected]