قمر الحظ والوفرة.. القمر الجديد ببرج الدلو يحمل مفاجأت للأبراج

أغلبنا بالفترة يلي مضت عشنا تعب ان كان صحي او نفسي او توتر وكآبة وقلة حيلة وكتير أمور تأخرت او تقيدت او انهارت ماكان الوقت مناسب لشيء ودائماً بقلكم مافي شي بيبقى ع حاله دوام الحال من المحال ..

الحمدلله رب العالمين يا أصدقائي الأعزاء في بشرى حلوة كتير وعنجد مو أنه هيك شي للتفاؤل في دلالة رائعة و مرحلة جديدة مع القمر الجديد ببرج الدلو الاستوائي هو أول قمر جديد بالعام 2025 عامل تثليث دقيق مع المشتري كوكب التوسع والتقاؤل والازدهار والوفرة وبالتقويم الصيني بيدخل العام 4722 طبعاً في فرق كبير بين التقويم الميلادي والتقويم الصيني وللأمانه عندهم شي علمي مبني عالنظام الستيتي وطبعاً وقت يقولوا هاد عام الثعبان الخشبي يعني آخر مرة كان من 60 سنة ..مثلا 2013 عام ثعبان الماء وقبله 2001 ثعبان المعدن وقبله 1989 ثعبان الأرض وقبلة 1977 ثعبان النار وقبله 1965 ثعبان الخشب يعني اعتمادهم عالنظام الستيني وهو قديم جدا بدايته كانت في بابل اذا تم اكتشاف قرص لكوكب الزهرة وفيه حسابات دقيقه تعتمد عالنظام الستيني.. مافينا نتجاوز حضارات القديمة الشرقية او الغربية ومنقدر نستفيد منها بتوجهنا بالحاضر والمستقبل ..الفلك الصيني مو بس 12 برج هو كتير فيه حسابات رياضية وتقسيمات سماوية 28 متل منازل القمر والكوكبات بالسما وهم اختاروا كوكبات حقيقيه بالسماء وأطلقوا عليها أسماء مخلوقات وأهم دورات الكواكب عندهم هو المشتري يلي سنواته المدارية 12عام كمان أهم كوكبة هي (بوتس) او العواء يلي فيها نجم أركتوروس السماك الرامج ..

بيتم تداول الابراج الصينية بشكل عالمي مع بداية السنة الصينيه لكن بالحقيقه كتير فيها تفاصيل وبيلزمها حلقات مطولة من المقالات البحثيه ..يعني شوفوا هاد العام الصيني الجديد 4722 مجموعه 6 يلي هو نفسه رقم الثعبان حسب التسلسل الخاص بالابراج عندهم ..بيرتبط الثعبان او الافعى ( بيتم تأنيث وتذكير الابراج عندهم) بيرتبط بالتحول رمزية أنه الافعى بتبدل جلدها كل فترة وبالفعل ربطوا المخلوق وصفاته بالبرج عندهم شعار انه الأفاعي تترك كهوفها ..إشارة إلى أنه عام التحولات الكبرى.. ماننسى انه بالسما عنا كوكبتين بتمثل الثعابين اللي باتجاه برج السرطان و الأسد هي كوكبة هيدرا ويلي كانت بالأساطير رمز السمية والخطر اللي بتمثل أفعى بستة رؤوس وتغلب عليها هرقل وعنا كوكبة الثعبان ( الحية) يلي باتجاه العقرب والقوس وهي الكوكبة بيتخللها كوكبة الحواء .. ترمز إلى الحكمة والخداع والخباثة والإرادة الضعيفة وخطر السم..

من ناحية التطورات يلي عم بتصير : عنا القمر الجديد بكرا في برج الدلو الاستوائي يصنع تثليث دقيق مع المشتري بالجوزاء تعتبر الايام القادمة فترة ممتازة لنبلش بشي مهم وننوي ونحط خطط وأهداف وماننسى أنه توقيته مع سنة صينية جديدة رمزيتها التخلص من أي شي قديم ماعد ينفع عنوانها التجديد والفترة أسبوعين ممتازين لكل من : مشاريع جديدة والتغلب على النكسات وكسر القيود وتعزيز الرفاهية ومنلاحظ تأثير ممتاز بعالم السياسة والقانون والرفاهية الاجتماعية والقضايا العامة ..وبالنسبة للنمو الفردي : يكون من خلال توسيع الآفاق والبدء بالتعلم أكثر والسفر والروحانية والأنشطة الجماعية.. حيث القمر الجديد مع المشتري يدعم جداً النمو المادي من خلال الاستثمارات أو الصفقات التجارية أو العمل الحر..

افضل ما يمكن ان تتحلى به لتزيد من فرصك وحظوظك : إظهار حسن النية والتسامح والكرم والمحبة والعمل الجماعي.. الشمس والقمر الجديد يثلثان المشتري والزهرة تقترن مع نبتون : النمو والتوسع والوفرة والموهبة والانسجام والاسترخاء والرحمة والإنسانية .. اليوم مع انتقال عطارد للدلو واجتماعه مع بلوتو سبب مفاجآت كبيرة مع صعود شركة تصميم للذكاء الاصطناعي صينية على حساب كل الشركات الامريكية وكانت خسارة الاسهم اكتر من ترليون دولار ..

عطارد الدلو يمتزج مع أورانوس حاكم الدلو يلي متواجد ببرج المال الثور وحديثا تم اعتبار عطارد الدلو اقوى واعظم مكان للكوكب حيث يحمل دلالة العبقرية والتقدم التكنولوجي والتسارع والأحداث المفاجئة وللأمانه عدم القدرة على التنبؤ : توقع ماهو غير متوقع يعني ما بيخلينا عطارد الدلو ناخود وقت للتفكير فهو مباغت وخلال عشرة أيام يربع عطارد أورانوس حاكم الدلو : راح يحمل تقلبات كبيرة بعالم المال والعملات المشفرة كمان بما يخص الطقس والأحداث المناخية المفاجئة .. بكل الأحوال عنا أيام ممتازة ابتداء من ليلة الأربعاء ويوم الخميس فيكم تبلشوا اي شي مؤجل ومع نوايا جديدة منها للثروة والوفرة والسفر والازدهار .. الله يفتح علينا وعليكم أبواب الرزق والوفرة والصحة والأهم الامان والاستقرار .. 12367

راح جهز المقال التالي ان شاء الله تعالى: عن دلالة هاد القمر والتطورات الجديدة على الأبراج والطوالع ..

وعن اصطفاف الكواكب او موكب الكواكب راح يبقى هي الأسابيع وذروة الاصطفاف التاريخي الصحيح ابتداء من يوم ٢٨ فبراير والتاريخ الاقوى للاصطفاف هو 3 / 3 / 2025 الأسترولوجي بياخود بمركزية الأرض بينما هناك مدارس جديدة تقوم على مركزية الشمس واذا نظرنا يوم 3 مارس القادم محاكاة من اعلى المجموعة الشمسية راح نلاحظ اصطفاف تاريخي للكواكب بجهة وحدة من الشمس وقوس شمسي 110 درجة تقريباً طبعاً راح يكون كلشي في كواكب مع الارض والقمر بحالة محاذاة بجهة واحدة من الشمس ماعدا بلوتو ..كانت المحاذاة العظيمة آخر مرة عام 949م طبعاً مو جديدة انه يصطف لحد 5 كواكب بجهة واحدة من الشمس هاد الامر تكرر وراح يتكرر إنما محاذاة عظيمة ومرئية بتوقع نادرة جداً ..بالأسترولوجي مافي تفسير دقيق للأمر لأن ماكانوا ياخدوا بمركزية الشمس لكن علينا تطوير نهج جديد واكتر مرونه ومتقدم لنقدر نواكب العصر الجديد ..شئنا ام أبينا : نحن على أعتاب عالم مختلف جذرياً سنراه حقيقةً وبشكل متسارع ..