شنّ الفنان عاصي الحلاني هجوماً عنيفاً على الحكومة اللبنانية بسبب الأوضاع السياسية والاقتصادية والخدماتية المتردية التي يعيشها المواطن اللبناني.

ونشر الحلاني عبر حسابه الخاص على "تويتر" تغريدات متتالية تحدث فيها عن معاناة المواطنين اللبنانيين في الحصول على رغيف الخبز، وانقطاع الكهرباء المتكرر وتراكم القمامة في الشوارع، وتدهور حال التعليم والمدارس.
وكتب قائلاً:

1 - بين التعطيل والتطنيش والتأليف والتلفيف العالم رح تموت بدا رغيف من فرن ابو عفيف.. والمشكلة ما عاد في لا كبير ولا صغير وكيف بدو هالبلد يقوم من البير والعتم الطويل.. لأن الكهرباء يوم معنا ويومين علينا والمحارق رح تحرق ايدينا او منحرق زبالة بالشارع..



2- ضعتوا وضيعتونا كنا ناطرين الحكومة، الحكومة راحت ولحكومة رجعت ولهق ما في حكومة تهتملي بهمومي الهيئة صارت مرحومة.. وكيف بدو هالبلد يمشي اذا كل شعب هذ البلد مضروب ومكرسح متل هالبلد مش عم يقدر يوقف ويمشي.. لازم تسرعوا اذا صار في عنا حكومة وجبنا فيول وجاءت الكهرباء بدكن مين يقدر يزقف.


3- يوقف ويزقفلكم ما الكل مكرسح.. حيرتونا وجننتونا والعنتو الجابونا يوم مصالحين ويوم زعلانين انتو مين ومن وين جاين وكيف مركبين حتى وعتونا ونطرطونا وعالوعد يا كمون عيشتونا كل هالسنين.. ولك الله يساعدنا عليكم والله ياخد بايديكم ما انتو اصحاب البلد ولألكم عم ربي الولد حتى يعمل حارس.


4- ويالعٌن ابو المدارس ويمكن بشي رصاصة بيموت اذا بيدوبل عن وزير وكان سهيان وداعس.. لازم تنحل القصة ونحنا هلق بنصة لازم يمرق نص التاني حتى يصير عنا بلد.. انا قلت النص التاني حتى يتأكدوا بعد مرة ما حدا بيلغي التاني لأن الواحد صعب يصر تنين. لبنان واحد مابيصير تنين".

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected]