كفر مندا: مفرقعات واصابات خلال شجار في البلدة

انا من كفرمندا ومن سكا العين واللي صار ما بقبلو عرف ولا دين ازعاج الناس الآمنين مخزي ناس ما عندها ضمير ولا قيم تجردت من ابسط الاشياء ليش يا عالم ليش يا اهل بلدي على شو منتقاتل ومنتحارب اللي صار حرب اول مرة بشوفو خافوا الله ناس نايمة اطفال مرضى عجائز ناس بدها تصحى عاشغالها ما عيب عليكو خزتونا قدام العالم بكفي ارحلو اتركوا العين لاصحابها الآمنين ما بصير كل فترة والثانية تفرجونا رجولتكو عبعض من شان الله بدنا نرتاح ما في غير هاي الحلول عندكو ضرب ومقاتلة ما بتخافوا حدا ينقتل وتقع المصيبة الحجر ما الو عيون واحنا شفنا الشباب المجرورة للطوشة كيف كان الحجر يصيبهن مندون ما يفرق ارحمونا واتركو البلد للناس اللي حابة تعيش بامان صرخة ام وجدة حرام اللي بصير ارحمونا